- இருபத்தி ஒன்று சனவரித்திங்களன்று அதிகாலை 01.00 இருவரும் புறப்பட்டோம். இந்தியாவிலிருந்து அமெரிக்காவுக்கு.
- .ஜெட் வேகத்தில் பறந்தோம். ஜெட் விமானத்தில்.
- உய்ர உயர வானத்தில் உச்சியை அடைந்தோமா ? இல்லை உச்சியென்பது என்னும் மிச்சமிருக்குமா !!
- நிற்பது போலத்தோன்றும் விமானம் பறப்பது 700 கிமி க்குமேல் என்று வளா வளாவென ஓயாது பேசுவது எதிரே உள்ள டி.வி. திரை.
- நிற்பதுவே நடப்பதுவே எல்லாமே சொப்பனந்தான் என்று பாடிய பாரதியின் பாடல் நினைவுக்கு வர, பயணத்தைத் தொடர்ந்தோம்.
- பகல் எங்களைத் தொடர அகல்கிறது இரவு
- ஒரு காஃபி இருந்தால் நன்றாக இருக்குமே என்று நினைக்கையில் அருகில் வந்த ஓர் நங்கை காஃபி என்கிறாள்.தருகிறாள். ஆகா இதுவன்றோ ஆண்டவன் அருள் என நினைக்கிறேன்.
- அவசர அவசரமாக அதை நான் உறிஞ்சுகிறேன்.
- முகம் சுளிக்கிறேன். மனைவி பக்கம் திரும்புகிறேன். என்ன இவ்வளவு சக்கரை போட்டு, பாயசம் போல் பண்ணியிருக்கிறார்கள் என்கிறேன்.
- சரிதானே ! இன்று நமது 42 ஆவது திருமண நாள் அல்லவா என்கிறாள். எனது இல்லக்கிழவி.
- ஆகா ! நமது 67 வருட வாழ்க்கையில் ஒரு திருமண நாளை 40000 அடி உயரத்தில் கொண்டாடுகிறோமா !!
- எண்ணம் இனிக்கிறது. கரு வண்ணக்காபியும் சுவையாகிறது.
- பயணம் தொடர்கிறது.வானத்து ஊர்தியின் அலுவலர் பணிவும் அன்பும் மனத்தைக் கவர்கிறது.
- பிரஸ்ஸலஸில் பிறமொழி பேசும் நங்கை ஒருவள் எனது மனைவிக்கு உடன் பிறவாத தங்கையாக செயல் படுகிறாள்.
- ந்யூ யார்க் வருகிறது. அதன் வ்யூவே பிரமிக்கச்செய்கிறது. வானத்திலே கதிரவன் ஒளி கண்களைக்கூச வைப்பினும் குளிரோ எங்கள் உடலைக் குலுங்க வைக்கிறது.
- கஸ்டம்ஸ், பாஸ்போர்ட் எல்லாமே கஷ்டம் கஷ்டம் என்று சொல்லியிருந்தார்கள். ஆனால், எங்களுக்கோ எங்கேயும் ஏக மரியாதை. சொன்னார்கள் வயதானவர்களுக்கு இங்கே தனியான கவனிப்பாம்.
- அத்தனை நூறுபேர் வரிசையில் நிற்க, வீல் சேர் பயணிக்குத்தனி வரிசை.
- எத்துணை பணிவு எத்துணை பரிவு !! சொல்லி மாளாது. அமெரிக்க அன்புக்கு உளமார நன்றி.
- வீடு வந்ததும் கதவைத் திறந்தேன். ஆம் எனது வலை நண்பர் ஜீவாவின் வலைக்கதவைத் திறந்தேன்.
- ஆகா ! பெருமாள் நிற்கிறார். ஸ்ரீ நிவாஸத் திரு வேங்கட முடையான என உள்ளமுருகப் பாடல் கேட்கிறது. ரஞ்சனி பாடிக்கொண்டிருக்கிறார் Courtesy: Youtube. Additional Courtesy: http://jeevagv.blogspot.com பெருமாளின் கருணை என்னே ! ஆகா ! இந்த 42 வருட திருமண வாழ்க்கையில் இப்படியொரு இனிதான ஒரு நாள் என்றும் கண்டதில்லையே !
